~[ حلــ م ــي وحلـــ م ـــك ]~

العنوان : حلمي وحلمك . 

المؤلف والكـاتب : أحمد عادل . 

التـاريخ : 13\1\2014 . 

النوع : خـاطرة . 

التصنيف : الأدب النثري . 

---------------------------

كام مرة بنتقابل ونتكلم ونزعل ونحزن ونتألم ..

ونتعلم بكا الأطفال على فرحة ما تكملش ..؟!

وكام مرة بنتعاتب ونتحاسب ونتغالب ..

ونرسم بالأمل نجمة وقمر في السما عايش ..؟!

وكام مرة إيدي في إيدك بتتعاتب على ..

كلمة ما تتقالش ما بين حبيبين اتنين ..؟!

إلا هو حبنا راح فين ..؟! أسأل ولا ما أسألش ..؟!

من غير عتاب خلص الكلام ..

الذكرى بينا بتتمسح تحت المطر ..

ووحل الحكاية بيبنوا بيه ..

كهف ومغارة وبيت يسجنوا فيه الحمام ..!!

حتى النهار جاله المسا بدري وغاب فيه ..

جاوبني يا ترى ، مين الـ غلطان ..؟؟ مش أنا ..!!

ولا حتى كدب الهمس في صوتك بريء ..!!

بقولك إيه ،، حلمك ما كنش من الأول جريء ..

ولا حتى حلمي كان بيصرخ جوا صمتي في الطريق ..

كل الحكاية وببساطة ..

إن حلمي وحلمك مات غريق ..!!

---------------------------

للتواصـــل

مدونتي الخاصة :

www.Facebook.com/Real.Ahmad.Adel

www.Mido7Cr.blogspot.com

: صفحتي على

FaceBook : www.Facebook.com\Mc.AhMaD
Twitter : www.Twitter.Com\Mido_7CR

صفحة الاستفسارات :

Ask.fm : www.Ask.fm\MCAhmad

البريد الإلكتروني :

Mody.0007@Hotmail.Com
Mody.0007@Ymail.Com

 للمحآدثة الفورية عبر الـ WhatsApp :

+201150109037